آبشّرك ...
ما فيني إلاّ العافية
وللحينها أشواقي مثل أوّل وأكثر
دافية !!
كل الأمور بخير ..
طيّب .. يامال الخير
وقلوبنا ..
مهما نغيب ونفترق
يا صاحبي , متصافية !!
آبشّرك .. ما فيني شي
عايش .. وأتنفّس .. وحي
آنا تعوّدت الجروح ..
صدّقني .. مابيها تروح
الشمس لا منها أشرقت ..
ماآظن تحتاج لوضوح
واللي جرى ..
ما ينكتب بسطور
بكره مع الأيام ..
ومن كثرة الأحلام
يمكن ينسّي !!
وآنا مثل ما آنا
لو ما أشرقت شمسي
لا تفتكر برجع ورى
وإلاّ عليك آنوح !
إن جيتني بيتي
تامر على كل ما تبي
بس ان تواجهنا بلا موعد
ولا هي مْن الصدف
بنحر مواقيتي
كنّا وكان الحب .. طفلٍ مابين ثنين
لا حس حنيّة ولا , ظمّتْه نظرة عين
والحين تتعذّر عشانك جيتني ..
وتقول لي إنّك بتتطمّن علي !!
قل لي بالأول :
لو صحيح تدوّر العشرة مثل ما تدّعي ..
صدق المشاعر وين ؟
خلها في بالك وأنتبه .. ولا عاد تسألني بعد
أبشّرك ..
ما فيني إلاّ العافية
وللحينها أشواقي مثل أول وأكثر
دافيــــــــــــــــــــــــــــــة
كل الأمور بخير .. طيّب ..
يامال الخير
( الشوك ما يجرح سوى .. من كان رجله حافية !! )
ممـــا راق لـي
