اقول لو لحظة معي تحسب حساب
حبي ،، ورب البيت لتموت فيني
لتموت فيني بس من زود الاعجاب
من زود حب ٍ فاض بينك وبيني
لا قلت احبك لا تقولين كذاب
الحب ماهو لعبة ٍ في يديني
خلي الغلا من بعضنا لبعض ينساب
ببادلك بالحب ،، وتبادليني
تعبت اصارع وحدتي بين الاغراب
نفسي الاقي من يقدّر حنيني
لا يا غناتي والغلا ماله اسباب
والله مزيّن صورتك وسط عيني
اخذيني بهمي الى جيت منصاب
وانا معاك آضيع ما احس ويني
لأن الغلا ماهو على كيف الاحباب
وشلون لو كنتي كذا تعشقيني
وانا فدا عينك ترا الجرح ما طاب
جيتك وكلي رغبةٍ تفهميني
ما ابي يموت الحب فيني وانا شاب
شاعر وابيك ان كانك انتي تبيني
جيتك وانا من زايد الشوق منصاب
وانتي دواي وعلتي ساعديني
ما اقول احبك بس من باب الاعجاب
اموت بك ليتك تموتين فيني
